Yfir jólahátíðina til 10. janúar mun ljósum skreyttur strætisvagn keyra um götur Rómar á Ítalíu, en borgaryfirvöld þar vilja með þessu vekja athygli á vistvænum samgöngum.
Monthly Archives: December 2012
Orkupóstar settir upp á vegum EVEN
Fyrirtækið EVEN sem er einn af samstarfsaðilum Grænu Orkunnar hefur sett upp hleðslupóst sem opinn er fyrir alla rafbíla í Kringlunni. Þessi hleðslupóstur er af svokallaðri annari kynslóð og með þeim á hleðslan að vera bæði öruggari og fljótari.
Samkvæmt Gísla Gíslasyni framkvæmdastjóra EVEN mun klukkutíma hleðsla frá þessum staur gefa 26 km á móti 8 km frá eldri hleðslupóstunum. Auk þess er ekki hægt að kippa snúrunum úr sambandi á meðan hleðsla er í gangi sem eykur öryggistilfinningu þess sem hleður.
EVEN hefur nú þegar sett slíka hleðslupósta upp hjá viðskiptavinum sínum og er stefna þeirra að setja upp slíka pósta um allt land og vera með áskriftakerfi fyrir sína viðskiptavini.
Vel heppnaður vinnufundur í síðustu viku
Vinnufundur/ráðstefna var haldinn á vegum Grænu Orkunnar þann 29. nóvember 2012 á Orkugarði, Grensásvegi 9. Heppnaðist vinnufundurinn vel, fyrirlesarar héldu sig nokkurnvegin við sett tímamörk og varð umræðan fjölbreytt og áhugaverð.
Ráðstefnan var með svipuðu móti og sú sem var haldin í júní 2010 með svokölluðum örfyrirlestrum, þ.e.a.s. fyrirlesarar fengu einungis 8 mínútur til að koma efninu frá sér.
Eftir fyrirlestrana var almenn umræða um efni þeirra vinnuhópa sem Græna Orkan hefur stofnað til:
Vinnuhópur 1. Mennta- og öryggismál
Vinnuhópur 2. Nýsköpun, rannsóknar og þróunarsjóðir
Vinnuhópur 3. Íblöndunarefni í hefðbundið eldsneyti
Vinnuhópur 4. Uppbygging innviða
Vinnuhópur 5. Ívilnanir
Hér má finna samantekt þeirrar umræðu sem fram fór.
Fyrirlestrar voru úr mörgum áttum og um mjög fjölbreytt efni, má finna glærur fyrirlesara hér fyrir neðan:
1. Erla S. Gestsdóttir, Græna Orkan: Innleiðing tilskipunar um endurnýjanlega orkugjafa
2. Ólafur Bjarnason, Reykjavíkurborg: Reykjavíkurborg – stefna – staða
3. Valur Ægisson, Landsvirkjun: Stefna Landsvirkjunar í samgöngumálum
4. Gísli Gíslason, EVEN: Verkefni EVEN
5. Sigurður Ástgeirsson, Vélarmiðstöðin, Staða verkefna
6. Guðrún Lilja Kristinsdóttir, ÍNO: Verkefni Íslenskrar NýOrku
7. María H. Maack, HÍ: Kostnaður við dreifingu í samgöngum
8. Gunnar Pétur Hauksson, RAMP
9. Magnús Ásgeirsson, N1: Framtíðarsýn, valkostir og innviðir