Financial Times skrifaði á dögunum ítarlega grein um rafbíla, þar sem markaðurinn er greindur og farið er yfir sölutölur fyrir rafbíla undanfarinna ára.

Sjá má greinina í heild sinni hér (á ensku).

Fyrsti farmur af metanól-framleiðslu Carbon Recycling International verksmiðjunnar á Svartsengi var í síðustu viku seldur til Hollensks olíu fyrirtækis í Rotterdam.

Sjá má fréttina í heild sinni á heimasíðu CRI (á ensku).

Kínverskur bílaframleiðandi að nafni BYD hefur fengið leyfi til að selja rafknúna strætisvagna á ESB svæðinu, fyrstu vagnarnir verða afhentir í þessum mánuði í Búlgaríu.

Sjá alla fréttina á mbl.is

Evrópusambandið tilkynnti í síðasta mánuði að aukinn stuðningur yrði við visthæft eldsneyti í aðildarríkjum þess. Hefur sambandið sett fram bindandi markmið fyrir vetnis innviði, hleðslustöðvar fyrir rafbíla, lífeldsneyti og náttúrulegt gas.

Sjá meira um tilkynninguna hér (á ensku).

Jákvæðar fréttir bárust frá Danmörku í vikunni þegar stjórnvöld þarlendis veittu 10 milljónum danskra króna í styrkveitingu til uppbyggingar á vetnis-innviðum í landinu

Sjá frétt í heild sinni hér. (á dönsku)

Skýrsla um norrænar tæknilausnir í orkumálum kom út þann 22. Janúar 2013, en í skýrslunni er stungið uppá leiðum sem norðurlöndin geta farið til að ná takmörkum sínum í minnkun útblásturs fyrir 2050.

Skýrslan verður kynnt þann 12 Febrúar, klukkan 9:00-12:00 í húsakynnum Orkustofnunnar að Grensásvegi 9 – sjá dagskrá.

Hægt er að skrá sig hér (endurgjaldslaust).

Finna má skýrsluna hér í heild sinni.

Í byrjun árs 2013 voru um 10.000 rafhleðslubílar á skrá í Noregi, þ.e.a.s. bílar sem er hægt að hlaða með rafmagni í gegnum innstungu. Þetta gerir Noreg að mesta rafbílalandi heims og með flesta rafhleðslubíla miðað við íbúatölu.

Sjá nánari umfjöllun á vef FÍB.

Rafbílar eru að verða fyrirtækjum og almenningi aðgengilegri en samkvæmt frétt sem birtist á mbl.is fer Volt rafbíllinn í sölu á næstunni og auk þess er nú mögulegt að leigja rafbíl hjá Thrifty bílaleigunni samkvæmt visir.is.

Í lok ársins 2012 var síðan stofnað rafbílasamband Íslands, en um 20 rafbílar eru nú þegar á Íslandi. Samkvæmt Gísla Gíslasyni stefnir sambandið að því að verða samtök eigenda og söluaðila á rafbílum og vörum og þjónustu þeim tengdum.

Yfir jólahátíðina til 10. janúar mun ljósum skreyttur strætisvagn keyra um götur Rómar á Ítalíu, en borgaryfirvöld þar vilja með þessu vekja athygli á vistvænum samgöngum.

Sjáið myndskeið af vagninum hér.

Fyrirtækið EVEN sem er einn af samstarfsaðilum Grænu Orkunnar hefur sett upp hleðslupóst sem opinn er fyrir alla rafbíla í Kringlunni. Þessi hleðslupóstur er af svokallaðri annari kynslóð og með þeim á hleðslan að vera bæði öruggari og fljótari.

Samkvæmt Gísla Gíslasyni framkvæmdastjóra EVEN mun klukkutíma hleðsla frá þessum staur gefa 26 km á móti 8 km frá eldri hleðslupóstunum. Auk þess er ekki hægt að kippa snúrunum úr sambandi á meðan hleðsla er í gangi sem eykur öryggistilfinningu þess sem hleður.

EVEN hefur nú þegar sett slíka hleðslupósta upp hjá viðskiptavinum sínum og er stefna þeirra að setja upp slíka pósta um allt land og vera með áskriftakerfi fyrir sína viðskiptavini.