Unnið hefur verið markvisst að því að auka hlut endurnýjanlegra orkugjafa og í samþykkt Alþingis frá 2011 er kveðið á um að árið 2020 skuli hlutdeild endurnýjanlegra orkugjafa í samgöngum vera 10%. Samdráttur í notkun jarðefnaeldsneytis stuðlar m.a. að umhverfisvernd, gjaldeyrissparnaði og auknu orkuöryggi.
Í frétt á vef atvinnuvega- og nýsköpunarráðuneytisins eru raktir nokkrir upplýsingapunktar um endurnýjanlegt eldsneyti á Íslandi, stefnu stjórnvalda og árangur í málaflokknum.
Linde Group hefur í gegnum norrænt útibú sitt AGA gert samning um að reisa vetnisstöð á Arlanda flugvelli fyrir utan Stokkhólm. Stöðin, sem verður sú stærsta sinnar tegundar í Svíþjóð, mun geta sinnt 180 áfyllingum á dag, og við 700 bara þrýsting mun dælingin einungis taka 3 mínútur. Roger Andersson, þróunarstjóri hjá AGA Clean Energy, telur vetnisbíla með yfir 500 km drægi munu gegna mikilvægu hlutverki við að útrýma notkun jarðefnaeldsneytis í samgöngum fyrir 2030.
Sjá frétt Gasworld