Í kjölfar ráðstefnu Grænu orkunnar um vistvænar samgöngur í síðustu viku birtist eftirfrandi grein í bílablaði Morgunblaðsins:

http://www.mbl.is/bill/frettir/2014/09/23/framtid_vistvaenna_bila_radin/

Í greininni er m.a. vitnað í Ragnheiði Elínu Árnadóttir iðnaðar- og viðskiptaráðherra: „Ákvörðun hef­ur verið tek­in og íviln­an­irn­ar verða fram­lengd­ar“. Þessi yfirlýsing er mikið fagnaðarefni fyrir okkur sem vinnum að aukinni notkun vistvænnar orku í samgöngum. Vonandi munu stjórnvöld í kjölfarið marka sér langtímastefnu í þessum efnum eins og frændur okkar í Noregi hafa gert, enda leynir árangurinn sér ekki þar.

Nýsköpunarfyrirtækið Orkey á Akureyri hefur þróað aðferð til að breyta steikingarolíu og dýrafitu í bætiefni í eldsneyti en fyrirtækið er meðlimur í Grænu orkunni.

Sjá umfjöllun mbl.is hér.

Nýlega var áttunda hraðhleðslustöð Orku náttúrunnar af tíu var opnuð á Selfossi.

Stöðina opnaði Guðmundur Ármann Pétursson, framkvæmdarstjóri Sólheima í Grímsnesi.

Sjá umfjöllun mbl.is hér.

Þann 27-29. ágúst var hér haldin samnorræn ráðstefna sem bar heitið Nordic Biogas Conference 2014 og sóttu um 180 manns ráðstefnuna.

Áhugasamir geta nálgast fyrirlestra ráðstefnunnar á http://www.nordicbiogas.com

Þann 20 Ágúst síðastliðinn hélt John Axsen, aðstoðar prófessor við Simon Fraser háskólann í Kanada, fyrirlesturinn “Electric vehicles: Matching Low-Carbon Technology to People and Policy”.

Glærur frá fyrirlestrinum má nálgast hér.

Að gefnu tilefni má benda á fyrilestur sem John Axsen hélt árið 2012 sem bar heitið “Electric Vehicle Hype & Hope: The key to Sustainable Mobility.

Við viljum benda á grein skrifaða af Jóni Birni Skúlasyni, verkefnistjóra Grænu orkunnar, í bílablaði Fréttablaðsins í gær.

Greinin ber yfirskriftina: Vistvænar samgöngur – vegur eða vegleysa

Blaðið má nálgast hér.

Spennandi tímar eru framundan, Græna orkan mun á haustmánuðum verða sjálfstæð félagasamtök og hefur að því tilefni verið ákveðið að halda ráðstefnu í samstarfi við Landsvirkjun, Reykjavíkurborg, Samtök iðnaðarins og Bílgreinasambandið:

Yfirskrift ráðstefnunnar er: Vistvænar samgöngur – vegur eða vegleysa?

Dagsetning: 17. September 2014

Salur: Gullteigur

Verð: 12.500 (hádegismatur innifalinn)

Skráning skal send á glk@newenergy.is

Meðal fyrirlesara á ráðstefnunni eru Solveig Schytz frá Akershus/Oslo í Noregi sem mun fjalla um velgengni fylkisins í visthæfum samgöngum og Snorre Sletvold frá Norsk Elbilforetningen sem mun fjalla um innviði fyrir rafbíla í Noregi.

Ráðstefnudagskráin

Nýlega opnaði Skeljungur formlega nýja metandælu á Orkustöðinni við Miklubraut, einni fjölförnustu götu landsins. Þar með hefur Skeljungur bætt enn við þá umhverfisvænu orkugjafa sem viðskiptavinum þess bjóðast.

Skeljungur hóf í lok árs 2013 sölu á lífdísilolíu og uppfyllir ákvæði laga um endurnýjanlegt eldsneyti í samgöngum á landi um 3,5% hlutfall endurnýjanlegs orkuinnihalds. Til viðbótar opnaði Skeljungur hraðhleðslustöð fyrir rafmagnsbíla á Shell-stöðinni við Miklubraut, beint á móti Orku-stöðinni við Miklubraut þar sem nú fæst metan.

„Það er ánægjulegt að geta aukið þjónustu við bæði metanbílaeigendur og rafbílaeigendur. Með þessu höfum við einnig náð að auka vöruframboð á íslensku vistvænu eldsneyti. Við viljum geta boðið viðskiptavinum okkar sem flesta valkosti og það er ánægjulegt að geta haft þá valkosti endurnýjanlega og vistvæna ,“ segir Valgeir Baldursson forstjóri Skeljungs.

Metanið á hinni nýju metandælu kemur frá Sorpu en framleiðsla þess byggir alfarið á endurnýjanlegri orku, annars vegar úr lífrænum úrgangi og hins vegar raforku frá landsnetinu sem framleidd er með virkjun fallvatna.

Hér má sjá myndband sem sýnir byggingu stöðvarinnar.

Undanfarna mánuði hefur Græna orkan staðið fyrir opnum fyrirlestrum um málefni sem varða visthæfa orkugjafa.

Þann 20. ágúst næstkomandi mun John Axsen, prófessor við Simon Fraser Háskólann í Vancouver, halda fyrirlestur um ‘Electric vehicles: Matching technology to people and policy’.

Fyrirlesturinn verður haldinn að Grensásvegi 9 klukkan 10:00 og eru allir velkomnir.

Nordic Innovation hefur í samstarfi við aðrar stofnanir opnað fyrir kall í Nordic Marine Innovation Programme.

Sjá nánari upplýsingar hér.