Við hjá Grænu orkunni óskum ykkur öllum gleðilegra og friðsælla jóla

Í desember mánuði mun Evrópusambandið opna köll í svokölluðum klasa 5: málefnum sem snerta loftslag, orku og samgöngur. Um er að ræða afar viðamikil köll og með þeim stærstu á þessu sviði í sögu ESB.

Á morgunverðarfundi Grænu orkunnar 14. desember mun Kolbrún Bjargmundsdóttir sérfræðingur frá Rannís kynna tækifæri í umsóknum til Evrópusambandsins með sérstakri áherslu á samgöngur og þá jafnt á landi sem og á hafi, sem heyra undir klasa 5.

Við sama tækifæri mun Anna Margrét Kornelíusdóttir verkefnastjóri hjá Íslenskri Nýorku kynna niðurstöður úr könnun á meðal rafbílaeigenda sem gerð var sumarið 2022 fyrir ráðuneyti umhverfis, orku og loftslags .

Fundarstjóri verður Jón Björn Skúlason, framkvæmdastjóri Íslenskrar Nýorku.

Húsið opnar 8:30 með léttum morgunverði í Húsi atvinnulífsins en viðburðurinn verður 9:00-10:00. Einnig verður hægt að fylgjast með í streymi.

Auglýst hefur verið eftir umsóknum um styrki úr Loftslagssjóði RANNÍS.

Styrktegund er ein að þessu sinni og eru styrkir veittir til eins árs.Áhersla verður lögð á verkefni sem:

• skila samdrætti í losun og stuðla að sjálfstæðu landsmarkmiði Íslands um að draga úr losun á beinni ábyrgð Íslands um 55% fyrir 2030.
• hagnýta grunnþekkingu sem þegar er til staðar, hafa möguleika á að nýtast sem víðast í samfélaginu og beinast að aðilum sem hafa talsverða möguleika á að draga úr losun.

Umsóknarfrestur er til 6. desember 2022 kl. 15:00

Græna orkan og Orkustofnun kynntu nokkur verkefni Orkusjóðs á Nauthól í Reykjavík, þriðjudaginn 25. október kl. 13-15 en einnig var hægt að horfa á kynninguna í streymi.

Úthlutun styrkja árið 2022 var sú mesta frá upphafi og endurspeglar aukinn kraft stjórnvalda til orkuskipta. Verkefnin eru afar fjölbreytt og misstór og eru unnin í mismunandi starfsgreinum. Guðlaugur Þór Þórðarson, ráðherra umhverfis-, orku- og loftslagsmála setti fundinn og Anna Margrét Kornelíusdóttir var fundarstjóri.

Skráning fór fram hér.

29. september síðastliðinn, á alþjóða siglingadaginn, fór fram ráðstefnan Stolt siglir fleyið mitt – öryggi og grænar lausnir í siglingum. Hún var haldin á Grand Hótel Reykjavík og var samstarf Fagráðs um siglingar, Samgöngustofu, Innviðaráðuneytis og Grænu orkunnar. Dagskrána má sjá á vef Samgöngustofu og upptöku frá viðburðinum má nálgast hér fyrir neðan.

Fagráð um siglingamál / Siglingaráð, í samstarfi við Grænu orkuna og Samgöngustofu, efnir til hálfs dags ráðstefnu þann 29. september sem jafnframt er alþjóðasiglingadagurinn.

Yfirskrift viðburðarins er Stolt siglir fleyið mitt – öryggi og grænar lausnir á sjó og markmið hans er að kynna nýjar lausnir í sjósókn og siglingum sem draga úr umhverfisáhrifum og/eða auka öryggi sjófarenda, þ.m.t. orkuskipti, bætta orkunýtingu og siglingaöryggi.

Nánar um dagskrá og skráningu má finna á vefsíðu Samgöngustofu.

Opinn ársfundur Samorku verður haldinn þriðjudaginn 15. mars í Norðurljósum, Hörpu og hefst kl. 13. Umfjöllunarefni fundarins verður Græn framtíð: Hvað þarf til?

Sjá nánar um dagskrá og skráningu á vef Samorku.

Samorka óskar eftir tilnefningum til Nýsköpunarverðlauna Samorku, sem afhent verða á ársfundi samtakanna 15. mars. Þetta er í annað sinn sem verðlaunin verða afhent.

Samorka leitar að framúrskarandi nýsköpunar- og sprotafyrirtækjum sem byggja á:

• Tæknilausnum fyrir orku- og veitugeirann eða þjónustu við orku- og veitufyrirtæki
• Nýtingu orku, heits vatns, neysluvatns eða fráveitu og/eða annarra auðlindastrauma til nýsköpunar

Tilnefningar sendist á samorka@samorka.is fyrir 24. febrúar. Farið verður með tilnefningarnar sem trúnaðarmál.

Líkt og aðrar þjóðir Evrópu hefur Ísland skuldbundið sig til að takast á við loftslagsvandann og sett sér mælanleg markmið til að uppfylla skuldbindingar Parísarsamkomulagsins fyrir 2030 og kolefnishlutleysi Íslands fyrir 2040.

Notkun jarðefnaeldsneytis í samgöngum veldur um helming af CO2 losun sem er á beinni ábyrgð Íslands. Því er mikilvægt að meta þá kosti sem við höfum og þær fjárfestingar sem þarf til að skipta út jarðefnaeldsneyti fyrir aðra orkugjafa í samgöngum á landi, á sjó og í lofti.

Hluti af þeirri lausn er að nota beint endurnýjanlegt rafmagn til að knýja samgöngutæki, en í sumum tilvikum er það ekki raunhæfur möguleiki.Icefuel (Icelandic Electrical Fuel) hefur fyrir hönd Þróunarfélags Grundartanga, greint valkosti varðandi mögulegt framtíðareldsneyti og gefið út skýrslu með helstu niðurstöðum.

Skýrsla þessi snertir á fýsileika þess að framleiða rafeldsneyta á Íslandi auk þess að skýra af hverju rafeldsneyti er hluti af því að ná loftslagsmarkmiðum.

Bjarni Már Júlíusson framkvæmdastjóri Icefuel mun kynna helstu niðurstöður skýrslunnar á vefviðburði Grænu orkunnar í hádeginu 23. júní. Fylgjast má með í beinni útsendingu á Zoom.

Skýrsluna má finna á vefsíðu Atvinnuvega- og nýsköpunarráðuneytis.

Sjá nánar á Facebook.