Kynningarfundur um NordBio verður haldinn í Norræna húsinu þriðjudaginn 3. mars 2015 milli 13 og 16.  Nordbio er samstarfsverkefni norrænna ráðherranefnda um umhverfismál, fiskveiðar, fiskeldi, landbúnað, matvæli og skógrækt, atvinnulífs-, orkumála- og byggðastefnu, menntun, menningu og rannsóknir.

Markmið NordBio er að draga úr sóun, minnka úrgang og tryggja sjálfbæra nýtingu lífauðlinda á Norðurlöndum, m.a. með fjölbreyttum rannsóknar- og nýsköpunarverkefnum, menntaverkefnum og þróun umhverfisvænni lausna við nýtingu.

Dagskrá:

Fundarsetning: Eygló Harðardóttir, samstarfsráðherra Íslands í Norrænu ráðherranefndinni

Lífhagkerfið – undirstaða sjálfbærrar þróunar Daði Már Kristófersson, dósent í náttúruauðlindahagfræði HÍ

Nordbio áætlunin: Halldór Runólfsson, formaður íslensku verkefnisstjórnar NordBio

WoodBio. Hlutverk viðarlífmassa í norræna lífhagkerfinu: Ólafur Eggertsson, Skógrækt ríkisins

Nýsköpun í lífhagkerfinu. Tækifæri til vöruþróunar og verðmætasköpunar: Sigrún Elsa Smáradóttir, Matís

Marina. Aukin notkun vistvænnar orku á sjó: Ágústa S. Loftsdóttir, Orkustofnun

Ermond. Vistheimt gegn náttúruvá: Guðmundur Halldórsson, Landgræðslu ríkisins

Biophilia. Sköðun sem kennsluaðferð: Björk Óttarsdóttir, mennta- og menningarmálaráðuneyti

Lífauðlindir Norðurlandanna: sjálfbærniviðmið: Brynhildur Davíðsdóttir, HÍ

Lífrænn úrgangur til nýsköpunar: Guðrún Lilja Kristinsdóttir, Umhverfisstofnun

Tækifæri tengd lífhagkerfinu á völdum svæðum: Sigríður Kristjánsdóttir, Nýsköpunarmiðstöð Íslands

Sjálfbær framleiðsla á próteini: Torfi Jóhannesson, atvinnuvega- og nýsköpunarráðuneyti

Fundarstjóri verður Danfríður Skarphéðinsdóttir, umhverfis- og auðlindaráðuneyti.

Fundurinn er öllum opinn. Sjá nánar hér.

Græna orkan, í samstarfi við Stofnun Sæmundar Fróða, Oceana og Nordic Marina, hefur ákveðið að halda vinnustofu um vistvæna haftengda starfsemi.

Fyrirkomulagið verður örfyrirlestrar, sem haldnir verða frá 14:00 til 16:30 þann 26. febrúar um borð í varðskipinu Þór.

Meðal verkefna sem kynnt verða er hybrid bátur Norðursiglingar og notkun metanóls í sjávarútvegi.

Öllum er velkomið að kynna starfsemi sína og halda erindi þennan dag. Ef þú vilt halda örfyrirlestur, 8-10 mínútur, vinsamlegast sendu heiti á fyrirlestri til amk@newenergy.is fyrir lok dags í dag, 23. febrúar.

Þátttaka í vinnustofunni er opin öllum og ókeypis. Vinsamlega skráðu þig til þátttöku með tölvupósti í netfangið amk@newenergy.is.

Við hlökkum til að sjá ykkur!

Græna orkan, í samstarfi við Stofnun Sæmundar Fróða, Oceana og Nordic Marina, hefur ákveðið að halda vinnustofu um vistvæna haftengda starfsemi.

Fyrirkomulagið verður örfyrirlestrar, sem haldnir verða frá 14:00 til 16:30 þann 26. febrúar um borð í varðskipinu Þór. Ef skipið verður kallað til annarra verkefna, færist viðburðurinn í Orkugarð, Grensásvegi 9 (nánar síðar).

Hugmyndin er að miðla upplýsingum og að tengja saman aðila innan þessa geira þ.e. vistvæn haftengd starfsemi, til dæmis í sjávarútvegi, samgöngum eða ferðamennsku á sjó.

Meðal verkefna sem kynnt verða er hybrid bátur Norðursiglingar.

Við bjóðum þér að kynna þína starfsemi og halda erindi þennan dag. Ef þú vilt halda örfyrirlestur, 8-10 mínútur, vinsamlegast sendu heiti á fyrirlestri til amk@newenergy.is fyrir 23. febrúar. Fyrstir koma, fyrstir fá.

Þátttaka í vinnustofunni er opin öllum og ókeypis. Vinsamlega skráðu þig til þátttöku með tölvupósti í netfangið amk@newenergy.is.

Við hlökkum til að sjá ykkur!

Orka náttúrunnar opnaði á dögunum fyrstu hraðhleðslustöðina í miðbæ Reykjavíkur. Stöðin er sú níunda sem Orka náttúrunnar reisir á árinu í samstafi við BL og Nissan Europe.

Fram kom á raf­bílaráðstefnu, sem hald­in var á dög­un­um, að nýt­ing stöðva fyr­ir­tæk­is­ins væri um tvö­falt meiri en notkun þeirra í Nor­egi.

Alls níu hraðhleðslustöðvar eru nú á suðvestur horni landsins:

Bæj­ar­háls

Sæv­ar­höfða

Skelj­ungi við Miklu­braut

Frí­kirkju­veg í Reykja­vík

við Smáralind í Kópa­vogi

IKEA í Garðabæ

Fitj­um í Reykja­nes­bæ

N1 Borg­ar­nesi

Olís á Sel­fossi

Fyrirhugað er að næsta stöð verði sett upp á Akra­nesi.

Sjá nánari upplýsingar hér.

Bílasmiðirnir Hyundai og Kia áforma að sparneytni bíla þeirra verði 25% sparneytnari en áður fyrir 2020.

Sjá nánari umfjöllun mbl.is

Fram kom á ráðherrafundi orkuráðherra Norðurlandanna að mikilvægt væri að leggja áherslu á aukinn hlut endurnýjanlegrar orku í samgöngum. Fundurinn var haldinn í Keflavík undir forsæti Ragnheiðar Elínar Árnadóttur.

Sjá umfjöllun Atvinnuvega- og nýsköpunarráðuneytisins hér.

Toyota kynnti á dögunum nýja vetnisbíl framleiðandans sem hefur fengið nafnið Mirai.

Hér má sjá kynningu Toyota

Samkvæmt vefsíðu Bloomberg, mun verðið um 63.000 $ eða tæpar 8 milljónir íslenskra króna með stuðningi frá Japönskum stjórnvöldum. Toyota áformar framleiðslu á um 700 Mirai vetnisbíla á næstu árum í Motomachi verksmiðjunni í Japan en um 40 stöðvar hafa verið byggðar í Japan.

Síðastliðinn fimmtudag var vegleg rafbílaráðstefna í boði Verkfræðingafélag Íslands.

Undanfarið hefur orðið mikil aukning í úrvali rafbíla og voru þær tegundir sem  í boði eru þar til sýnis.

Forseti Íslands setti ráðstefnuna og ræddi Sigmundur Davíð Gunnlaugsson, forsætisráðherra, mikilvægi þess að vinna að stefnumótun ríkisstjórnarinnar í þessum málum til framtíðar.

Fyrirlestrar ráðstefnunnar verða aðgengilegir hér.

Rafbílavæðing á Íslandi – ráðstefna 13. nóvember 2014

Fimmtudaginn 13. nóvember 2014 mun Rafmagnsverkfræðingadeild VFÍ standa fyrir ráðstefnu um rafbílavæðingu á Íslandi í samstarfi við marga áhugaðila. Þar gefst einstakt tækifæri til að fá yfirsýn yfir spennandi málefni þar sem margt er í deiglunni. Dagskráin er metnaðarfull og á staðnum verða rafbílar til sýnis og prufuaksturs.  Forsætisráðherra Sigmundur Davíð Gunnlaugsson mun ávarpa ráðstefnuna og norskur fyrirlesari mun gera grein fyrir rafbílavæðingu í Noregi, sem hefur núna flesta rafbíla í heiminum miðað við höfðatölu og reikna með um 50,000 rafbílum í notun þar árið 2015. Þá munu fulltrúar fimm innflutningsaðila rafbíla kynna fimmtán gerðir slíkra bíla sem eru komnir í notkun hérlendis.  Ráðstefnan verður í fundarsal Arion banka, Borgartúni 19,  kl. 13 -17:30. Mikill áhugi er á ráðstefnunni og áhugaaðilum um rafbíla bent á að tryggja sér sæti og skrá sig sem fyrst á skrifstofa@verktaekni.is eða í síma: 535 9300. Ókeypis er á ráðstefnuna sem er á íslensku nema erindi hins norska fyrirlesara sem er á ensku.

Hekla mun frumsýna Volkswagen e-Golf sem er með uppgefið 190 km drægni og hefur bíllinn hefur fengið góðar viðtökur í Noregi.

Fjölbreytni innflutra rafbíla hefur aukist mikið að undanförnu sem verður að teljast mjög jákvætt fyrir hlutdeild þeirra í bílaflotanum.

Sjá nánar hér.