Author Archives: Anna

Stjórnvöld styðji fjölgun vistvænna bifreiða

Posted on by

Stjórnvöld skulu stuðla frekar að fjölgun vistvænna bifreiða með hvötum og sýna gott fordæmi, segir forsætisráðherra, Sigmundur Davíð Gunnlaugsson.

Árið 2007 setti ríkisstjórnin markmið að auka hlutfall vistvænna ökutækja í eigu ríkisins úr 10% árið 2008 í 35% árið 2012. Þetta hefur þó ekki gengið eftir. Forsætisráðherra lýsti ánægju sinni yfir fjölgun rafbíla undanfarin ár og sagði æskilegt að menn skoðuðu möguleika á rafbílnum þegar kæmi að endurnýjun ráðherrabíla. Þetta kom fram í svari hans við spurningum Brynhildar Pétursdóttur, þingmanns Bjartrar framtíðar í óundirbúnum spurningatíma á Alþingi í liðinni viku.

Sjá nánar í frétt mbl.is

Hvað með rafhlöðu rafbílsins?

Posted on by

Rafhlaðan er dýrasti hluti rafbílsins en sá misskilningur virðist vera útbreiddur að fjárfesta þurfi í nýrri rafhlöðu á nokkurra ára fresti vegna þverrandi hleðslugetu. Gísli Gíslason hjá Even, sem selur Tesla bifreiðar, segir það af og frá. Stýring í rafhlöðu miði að því að hámarka endingartíma hennar, svo að eftir 8 ár hafi drægi bílsins ekki rýrnað meira en 10-20%. Þetta jafngildir því að drægi nýs bíls lækki úr 500 km í 420 km, sem er nokkuð meira en flestir ökumenn aka að jafnaði á dag.

Bæði Bjarni Ólafsson, sölumaður hjá BL, og Árni Þorsteinsson, sölustjóri VW hjá Heklu, taka í sama streng. Sé rétt hugsað um bílinn eigi geymslugeta rafhlöðunnar ekki að skerðast mikið á fyrstu tíu árum rafbílanna. Þetta kemur fram í grein á mbl.is.

Þegar rafhlöðunum er loks skipt fyrir nýjar, er ekki þar með sagt að þær séu til einskis nýtar. General Motors og Nissan hafa nú þegar fundið notagildi fyrir rafhlöður rafbíla sem hefur verið skipt út. Fimm rafhlöður úr Chevrolet Volt knýja t.a.m. ljósabúnað í gagnaveri GM í Michigan með rafmagni frá tveimur 2 kW vindtúrbínum og 74 kW röð sólarsella. Og Nissan mun, í samvinnu við Green Charge Networks, nýta rafhlöður úr Leaf bílum til staðbundinnar orkugeymslu víðs vegar um Bandaríkin og utan þeirra.

Sjá nánar hér.

Tíunda hraðhleðslustöðin á Íslandi opnuð

Posted on by

Tíunda hraðhleðslustöð ON á Suður- og Vesturlandi var vígð 9. júní síðastliðinn við Dalbraut 1 á Akranesi. Fyrir eru stöðvar við höfuðstöðvar ON að Bæjarhálsi 1, við bifreiðaumboð BL við Sævarhöfða, við Smáralind, við Skeljung á Miklubraut, á Fitjum í Reykjanesbæ, við verslun IKEA í Garðabæ, í Borgarnesi, á Selfossi og við Fríkirkjuveg. Hraðhleðsluverkefni ON er unnið í samstarfi við BL ehf. og Nissan Europe, sem lögðu hleðslustöðvarnar endurgjaldslaust til verkefnisins. Orka náttúrunnar sér um uppsetningu þeirra og rekstur.

Sjá frétt ON hér.

Ráðstefna: Nordic Electric Bus Initiatives

Posted on by

1.-2. september næstkomandi verður haldin málstofa um þróun rafmagnsstrætisvagna í Lindholmen vísindagarði í Gautaborg. Það eru Swedish Forum for transport innovation og Nordic Energy Research sem standa að málstofunni. Markmið hennar er að efla tengsl á milli  framleiðenda, háskólasamfélagsins og þeirra sem koma að samgöngumálum,  miðla þekkingu og ræða möguleika og hindranir til rafvæðingar strætisvagna í almenningssamgöngum.

Þátttaka er ókeypis. Dagskrá og nánari upplýsingar er að finna hér.

Græna orkan býður til fyrirlestrar Norsepower

Posted on by

Mynd fengin frá Norsepower

Græna orkan hefur undanfarin ár staðið fyrir opnum fyrirlestrum sem varða vistvæna orkugjafa, í samstarfi við ýmsa aðila. Að þessu sinni bjóða Græna orkan, Hafið – Öndvegissetur um sjálfbæra nýtingu og verndun hafsins, og Nordic Marina til opins fyrirlestrar um lausn til eldsneytissparnaðar fyrir meðalstór og stór skip.

Þann 11. núní næstkomandi mun Tuomas Riski, framkvæmdastjóri Norsepower í Finnlandi, fjalla um lausn fyrirtækis síns, Norsepower Rotor Sail Solution.

Tækifæri verður til fyrirspurna og umræðna að lokinni kynningu Norsepower og boðið verður upp á kaffi. Fyrirlesturinn verður haldinn að Grensásvegi 9, klukkan 14 og eru allir velkomnir. Sjá einnig hér.

Skráning til þátttöku sendist til amk@newenergy.is.

Mynd fengin frá Norsepower

 

Nýtt þjónustumerki fyrir rafhleðslu bíla vígt

Posted on by

Síðastliðinn sunnudag var sett upp nýtt þjónustumerki sem vísar á stað þar sem hlaða má ökutæki rafmagni. Það var Einar K. Guðfinnnsson, forseti  Alþingis, sem kom merkinu fyrir og tók það formlega í notkun við verslunina Verslunar-Geira,  við Þuríðarbraut við mörk þéttbýlisins í Bolungarvík.

Merkið var hannað af Vegagerðinni að ósk Samgöngufélagsins, en þetta er fyrsta merkið  með þessu útliti sem tekið er í notkun.  Nú þegar rafbílum fjölgar ört er nauðsynlegt að hægt sé að hlaða þá sem víðast og upplýsingar um aðgengi að hleðslu séu sýnilegar.

Einnig hefur verið útbúið sérstakt merki fyrir svokallaðar hraðhleðslustöðvar sem er eins útlits og merkið sem tekið var í notkun um helgina, að öðru leyti en að bætt hefur verið við mynd af skeiðklukku.

.

Ef bensín væri frítt…

Posted on by

Mynd fengin frá Synergy Solar Systems

Flestir yrðu hissa ef þeir upplifðu það að geta dælt bensíni á bílinn án þess að borga fyrir það. Það er samt einmitt það sem eigendur rafbíla gera – hlaða bílinn frítt á hraðhleðslustöðvum á Íslandi! Það sama á við um flestar hleðslustöðvar fyrir almenning í Bandaríkjunum. Þar geta rafbílaeigendur geta notað appið Plugshare til að finna næstu stöð. Ókeypis rafmagn á hraðhleðslustöðvum lækkar enn frekar rekstrarkostnað rafbíla.

Hvað með þau fyrirtæki sem hýsa stöðvarnar á lóðum sínum? Hvað græða þau á því að bjóða upp á frítt rafmagn og/eða bílastæði á meðan hlaðið er? Hleðslustöðvarnar veita þeim nýtt tækifæri til að laða til sín viðskiptavini auk þess sem þeir staldra lengur við.

Þetta kemur fram í frétt á síðu Green Car Reports og Sierra Club.

 

 

 

Bílaleiga býður rafbíla til leigu

Posted on by

Höldur-Bílaleiga Akureyrar býður nú upp á úrval rafbíla til leigu. Á dögunum fékk bílaleigan afhenta 11 rafbíla: Kia Soul EV frá Öskju,  Nissan Leaf frá BL og Volkswagen e-Golf frá Heklu. Steingrímur Birgisson, forstjóri Bílaleigu Akureyrar, segir fyrirtækið markvisst leita leiða til að draga úr útblæstri bílaflota síns og kaup rafbílanna sé liður í því. Hann væntir þess að viðskiptavinir taki þessari viðbót við úrval bíla vel.

Sjá nánar í frétt mbl.is.

EVEN frumsýndi Tesla Model S P85D

Posted on by

Síðastliðinn laugardag var Tesla Model S P85D frumsýndur hjá EVEN bílum í Smáralind. Bíllinn er um 700 hestöfl og nær því 100 km hraða á einungis 3,2 sekúndum. Þetta afl er fengið frá rafmótor sem knýr framdekk og skilar 230 hestöflum og 470 hestafla mótor sem knýr afturdekk.  Þetta er í fyrsta skipti sem Tesla sendir frá sér fjórhjóladrifinn bíl.

Sjá nánar í frétt mbl.is og Top Gear.