Financial Times birti nýlega frétt þess efnis að Fiat-Chrysler hygðist greina síðar á árinu frá áætlun um hvernig fyrirtækið muni draga úr framleiðslu dísilbíla í áföngum fram til ársins 2022. Þetta á við mun alla bíla framleiðandans og talið er að meginorsökin sé samdráttur í eftirspurn en einnig aukinn kostnaður.
Sjá nánar í frétt FT og Climate Action.
5. febrúar 2016 skipaði fjármála- og efnahagsráðherra starfshóp sem falið var að taka skattlagningu ökutækja og eldsneytis til endurskoðunar. Drög að skýrslu starfshópsins liggja nú fyrir. Í skýrsludrögunum koma fram tillögur sem m.a. byggja á markmiðum um einfalt, réttlátt, samræmt og skilvirkt skattkerfi, stefna að orkusparnaði og aukinni nýtingu innlendra orkugjafa og stuðla að því að dregið verði úr losun gróðurhúsalofttegunda og skaðlegra efna frá ökutækjum.
Í samráðsgátt má nálgast skýrsluna og senda umsögn.
Opið er fyrir innsendingu umsagna um drög að skýrslu starfshóps um endurskoðun skattlagningar ökutækja og eldsneytis 23. febrúar til og með 16. mars 2018. Við hvetjum félaga Grænu orkunnar til að kynna sér drögin og senda umsagnir um málið.
Nexo, nýr vetnisbíll japanska bílaframleiðandans Hyundai, var frumsýndur í liðnum mánuði á Consumer Electronics Show. Hann þykir lipur og kvikur og er búinn margvíslegum öryggiseinkennum auk þess að geta lagt sér sjálfur í stæði.
Sjá nánar í frétt Green Car Reports.
Græna orkan vill vekja athygli á ráðstefnu sem fjallar um innviði fyrir rafbíla, European Electric Vehicle Convention on Infrastructure, sem haldin verður í Genf þann 14. mars næstkomandi.
Nánari upplýsingar um ráðstefnuna og skráningu er að finna hér.
Norska flutningafyrirtækið Liafjord A/s hefur pantað nýjan fiskitogara sem ganga mun fyrir LNG gasi og búa yfir rafhlöðu að auki. Fyrirtækið hefur löngum verið framsýnt í umhverfismálum, og lét t.d. smíða árið 2004 skipið sem í dag heitir Aðalsteinn Jónsson SU-11 og er í eigu Eskju.
Sjá nánar um nýtt skip Liafjord og uppsjávarveiðiskip Eskju.
Vegagerðin tilkynnti í gær að ný Vestmannaeyjaferja verði útbúin stærri rafgeymum og tengibúnaði þannig að unnt verði að hlaða ferjuna í landi og sigla þannig milli Vestmannaeyja og Landeyjahafnar fyrir rafmagni eingöngu.
Þetta eru sannarlega gleðifréttir! Sjá nánar í frétt á vef Vegagerðarinnar.
Græna orkan vill vekja athygli á umfjöllun um metan á visir.is. Smellið hér fyrir grein Finns Thorlacius.
Nýverið óskaði óskaði ríkisstjórn Trump eftir 72% niðurskurði á fjárveitingum til verkefna og rannsókna tengdum endurnýjanlegri orku og orkusparnaði fyrir árið 2019. Er þetta í takt við orð forsetans í árlegri stefnuræðu sinni, þar sem hann fjallaði um “fallegu hreinu kolin.”
Sjá nánar í frétt Washington Post.
Nýverið var tilkynnt að NCE Maritime CleanTech í Noregi hefði hlotið 11,5 milljón evra styrk úr Horizon 2020 prógrammi Evrópusambandsins til að þróa rafdrifna ferju sem ganga mun á milli Stavanger og Hommersåk.
Við hjá Grænu orkunni hlökkum til að fylgjast með verkefninu á næstu árum. Sjá nánar í tilkynningu frá fyrirtækinu.
Nýlega afhenti The London Electric Vehicle Company (LEVC) leigubílstjóranum David Harris lykla að fyrsta rafvædda leigubíl Lundúna borgar. Bíllinn er af gerðinni TX og segir Harris að hann muni spara 5-600 pund á mánuði sem annars færu í eldsneytiskaup. Afhendingin kemur til að reglu sem tók gildi um síðastliðin áramót, en samkvæmt henni þurfa nýir leigubílar að geta haft útblástur innan við 50 grömm CO2 á ekinn kílómeter og hafa 30 mílna drægi með þetta útblástursgildi. Þetta kallast zero emission capable.
Sjá nánar í frétt Climate Action.
