Það er afar mikilvægt að rafbílaeigendur fari rétt að við hleðslu bifreiða sinna og samkvæmt leiðbeiningum framleiðenda og Mannvirkjastofnuna. Vert er að minna á það nú þegar tveir rafbílar brunnu til kaldra kola við Kjalarvog í vikunni vegna rangrar hleðsluaðferðar. Í tilefni af þessu sendi BL frá sér tilkynningu þar sem brýnt er fyrir eigendum og notendum rafbíla að standa rétt að hleðslu þeirra.
Hér má finna leiðbeiningar frá Mannvirkjastofnun um hleðslu rafbíla og raflagnir.
Samtök danskra orkufyrirtækja kynntu nýverið árlega spá sína um þróun endurnýjanlegra orkugjafa. Nokkur lykilatriða skýrslunnar eru eftirfarandi:
Sjá nánar í umfjöllun State of Green og hér má finna skýrsluna sjálfa (á dönsku).
Ísland er það ríki innan ESB og EFTA svæðisins sem var með mesta losun koltvísýrings (14 tonn CO2) frá hagkerfi á einstakling árið 2016. Losun hefur aukist vegna aukins flugreksturs og skipaflutninga frá árinu 2012. Þetta kemur fram í frétt á vef Hagstofunnar. Á Íslandi er losunin að stærstum hluta frá flugi og framleiðslu málma, en losun frá málmframleiðslu kemur til vegna bruna kola í rafskautum. Koltvísýringslosun frá hagkerfinu á einstakling hafi því farið vaxandi frá árinu 2016.
Nel ASA opnaði í liðinni viku framleiðslumiðstöð fyrir vetnisstöðvar í Herning í Danmörku. Markar þetta þáttaskil í rekstri fyrirtækisins, og e.t.v. í vetnissögunni, en framleiðslugeta verksmiðjunnar er áætluð um 300 fullbúnar vetnisstöðvar á ári.
Sjá nánar í fréttatilkynningu frá fyrirtækinu.
Á næstu vikum mun Orka náttúrunnar hefja tilraunaframleiðslu á vetni við Hellisheiðarvirkjun. Uppsetning rafgreinis til vetnisframleiðslu er liður í evrópska verkefninu Hydrogen Mobility Europe sem Orka náttúrunnar tekur þátt í með tveimur öðrum íslenskum fyrirtækjum; Orkunni og Íslenskri NýOrku. Orkan opnaði tvær afgreiðslustöðvar fyrir vetnisbifreiðar í júní síðastliðnum en þaðan verður selt innflutt vetni þar til hægt verður að afgreiða vetni framleitt á Hellisheiði á bíla í október mánuði.
Sjá nánar í frétt mbl.is.
Mótun markvissrar aðgerðaáætlunar um orkuskipti í íslenskum höfnum með uppbyggingu rafinnviða fyrir skip og annarrar haftengdrar starfsemi eru kjarninn í samningi sem Þórdís Kolbrún R. Gylfadóttir, ferðamála, iðnaðar- og nýsköpunarráðherra undirritaði í liðinni viku við Íslenska Nýorku og Hafið-Öndvegissetur. Niðurstöðum verður skilað fyrir árslok.
Sjá nánar í frétt frá Stjórnarráðinu.
Rafbílaeigendur hlaða flestir bíla sína á mesta álagstíma raforkukerfisins. Sé raforkuálaginu hins vegar stýrt getur Orkuveitan vel annað 50.000 rafbílum. Þetta er meðal þess sem fram kemur í lokaverkefni Kristjáns E. Eyjólfssonar til BS-gráðu í rafmagnstæknifræði frá Háskólanum í Reykjavík.
Sjá nánar í frétt á mbl.is.
Græna orkan vill vekja athygli á ráðstefnu sem fjallar um innviði fyrir rafbíla, European Electric Vehicle Convention on Infrastructure, sem haldin verður í Genf þann 14. mars næstkomandi.
Nánari upplýsingar um ráðstefnuna og skráningu er að finna hér.
Græna orkan vill vekja athygli á umfjöllun um metan á visir.is. Smellið hér fyrir grein Finns Thorlacius.
Í nýútkominn skýrslu IRENA (Alþjóðastofnun um endurnýjanlega orkugjafa) Renewable Power Generation Costs 2017 kemur fram að orkuframleiðsla með endurnýjanlegum orkugjöfum hafi haldið áfram að falla á árinu 2017. Enn fremur segir í skýrslunni að verð á raforku frá vindorku í landi hafi lækkað um 18% á árunum 2010 til 2017 og sé nú um USD 0.04/kWh, sem er mjög samkeppnishæft.
Sjá nánar í útdrætti og skýrslunni í heild.
