Græna orkan vill benda áhugasömum á nýlega og athygliverða skýrslu vetnisráðsins (e. Hydrogen Council) um útvíkkun og þróun vetnis sem orkubera í tengslum við orkuskipti.
Sjá hér.
GreenFleet Magazine útnefnir Renault rafbílasmið ársins
GreenFleet Magazine útnefndi Renault nýlega rafbílasmið ársins 2017. Verðlaun Green Fleet koma í kjölfar fleiri verðlauna sem Renault hefur hlotið fyrir rafbíla sína, en What Car? útnefndi Zoe besta rafmagnsbílinn 2017 og jafnframt besta notaða rafmagnsbílinn 2018. Þá útnefndi Autocar Zoe frumkvöðul ársins 2017 og Parkers kaus hann þann umhverfisvænasta 2018.
Sjá nánar í frétt mbl.is og CleanTechnica.
Toyota veðjar á vetnið til framtíðar
Samkvæmt Alþjóða orkumálastofnuninni mun fjöldi rafbíla á götum heimsins ná 2 milljónum fljótlega og talið er að fjöldinn muni ná 9-20 milljónum fyrir árið 2020. Toyota bílaframleiðandinn, sem selur 10 milljónir bíla á ári, ætlar samt sem áður að veðja á vetni sem orkugjafa framtíðar, enda merkir Mirai, heiti vetnisbíls Toyota, framtíð.
Sjá nánar í frétt hér.
Nikola Motor Co semur við PowerCell og Bosch
Nikola Motor Co hefur samið við PowerCell í Svíþjóð og Bosch í Þýskalandi um smíði efnarafala í trukk sem er í þróun hjá fyrirtækinu og mun ganga fyrir vetni og rafmagni. Gert er ráð fyrir að prófanir á bifreiðinni hefjist um haustið 2018.
Sjá nánar í frétt Transport Topics.
Ný áætlun ESB um vistvænar samgöngur
Ný áætlun ESB miðar að því að útblástur farþegabíla og sendiferðabifreiða á koldíoxíði dragist saman um 15% árið 2025 miðað við 2021 og 30% árið 2030. Með áætluninni er markmiðið að hvetja bílaframleiðendur til að auka framleiðslu vistvænna bifreiða með því að beita þá sektum sem ekki ná takmarki og verðlauna þá sem það gera.
Sjá nánar hér í frétt Climate Action.
Vindorkuframleiðsla Skota 2. október tvöföld þörfin
Síðastliðinn mánudag, 2. október var framleiðsla raforku frá vindtúrbínum í Skotlandi rúmlega tvöföld þörf landsins þann dag. Er það met á árinu 2017 en að öllu jöfnu er helmingur raforkuframleiðslu landsins úr vindorku.
Sjá nánar í frétt Daily Mail og yfirlit um orkuframleiðslu Skota.
Skýrsla um ástand innviða á Íslandi komin út
Nýútkomin skýrsla Samtaka iðnaðarins og Félags ráðgjafarverkfræðinga mat ástand og framtíðarhorfurr innviða á íslandi. Ástand vega og fráveitna fékk þar laka einkunn en heitaveitu og orkuvinnslu besta einkunn af innviðum sem teknir voru til skoðunar. Sjá nánar í skýrslu hér og í umfjöllum mbl.is.
Dubai borg kynnir ívilnanir fyrir rafbíla
Orkuveita og Vegagerð Dubai borgar kynntu nýverið áætlun um ívilnanir fyrir rafbíla sem miðar að því að auka hlut þeirra í í samgöngum í 2% fyrir 2020 og 10% fyrir 2030. Þar meðal má nefna ókeypis rafhleðslu til loka árs 2019, ókeypis rafhleðsla til loka árs 2019, afnot af ókeypis bílastæðum víða um borgina auk undanþágu frá greiðslu vegatolla og bifreiðagjalda afnot af sérmerktum bílastæðum víða um borgina auk undanþágu frá greiðslu vegatolla og bifreiðagjalda. Sjá nánar hér.
Stiklað á stóru um vetni
Fyrir þá sem hafa áhuga á að kynna sér vetnisbifreiðar og samanburð þeirra við rafbíla, viljum við hjá Grænu orkunni benda á ágæta nýlega grein á vef The Economist.
Samgönguþing 28. september á Hótel Örk
Samgöngu- og sveitarstjórnarráðuneytið og samgönguráð boða til samgönguþings fimmtudaginn 28. september á Hótel Örk í Hveragerði. Þar verða kynntar áherslur í samgönguáætlun næstu ára og fjallað um ýmis mál í málstofum.
Sjá nánar hér í frétt Samgöngu- og sveitarstjórnarráðuneytis.