Audi kynnti margar spennandi nýjungar á hinni árlegu bílasýningu í Detroit í janúar. Framleiðandinn mun á næstu árum meðal annars bjóða upp á bíla með öðrum aflgjöfum en jarðefnaeldsneyti, t.d. vetnisbílinn Audi h-tron quattro concept og tengiltvinnbílinn Audi Q7 .
Sjá nánar í frétt mbl.is hér.
Nú stendur yfir opið umsagnarferli Evrópusambandsins um nýja tilskipun þess um endurnýjanlega orkugjafa (e. Renewable Energy Directive) fyrir tímabilið eftir árið 2020. Athugasemdir skulu berast fyrir 10. febrúar næstkomandi í gegnum hlekk á þessari síðu.
Bandríski sjóherinn heldur ótrautt áfram með áætlanir um að nota blöndu dísil og lífdísils á flota sinn, þrátt fyrir lágt olíuverð undanfarið. Sjóherinn fékk fyrir þremur árum styrk til þess að byggja þrjár hreinsunarstöðvar sem sjá áttu flotanum fyrir lífdísil en síðan þá hefur olíuverð fallið um 70% og gagnrýnisraddir orðnar háværar. Herinn lætur sig það engu skipta og segir ákvörðunina ekki einungis hafa verið tekna út frá umhverfisverndarsjónarmiðum heldur einnig hafi verið horft til þess að eldsneytissparnaður fækki ferðum í hafnir til áfyllingar og auki um leið orkusjálfstæði sitt.
Sjá nánar hér.
![USS Princeton refuels with biofuel in 2012 [Image: U.S. Navy via Flickr]](http://images.hgmsites.net/med/uss-princeton-refuels-with-biofuel-in-2012-image-u-s-navy-via-flickr_100543373_m.jpg)
Mynd: Herskipið USS Princeton fær lífdísiláfyllingu (US Navy á Flickr)
Eftir að hafa reynsluekið tveimur strætisvögnum í heilt ár á götum borgarinnar, hafa samgönguyfirvöld í Chicago tekið ákvörðun um að fjárfesta í strætisvögnum sem ganga eingöngu fyrir rafmagni. Borgin mun festa kaup á 20-30 vögnum á næstu árum og endurnýja flota sinn smátt og smátt. Strætisvagnarnir eru framleiddir af New Flyer Industries, og keyra á 300 kWh liþíum rafhlöðu og hafa 80 mílna (~130 km) drægi.
Sjá nánar hér.
Norðursigling á Húsavík hefur nú verið tilnefnd til WTTC Tourism of Tomorrow verðlauna. Fyrir rafmagnsskútuna Opal, er Norðursigling tilnefnd fyrir að vera fyrsta fyrirtæki heims til að bjóða upp á kolefnislausar hvalaskoðunarferðir. Þróun Opals sem umhverfisvæns báts fór fram með Rensea verkefni sem fjármagnað var af Nordic Innovation og var samstarfsverkefni Norðursiglingar og Bellona, Nýsköpunarmiðstöðvar Íslands, Íslenskrar NýOrku, Naust Marine, Lakeside Excursions, Wave Propulsion, Caterpillar og Clean eMarine.
Sjá nánar í frétt Nordic Innovation og Norðursiglingar.
Markaðshlutdeild vistvænna bíla er hvergi hærri en í Noregi og voru þeir 17,1% (tæplega 26.000 talsins) nýskráðra bíla árið 2015. Söluhæstu tegundirnar voru VW Golf, Tesla model S, Nissan Leaf, BMW i3 og Renault Zoe en Norðmenn hafa náð gríðarlegum árangri í rafbílavæðingu bílaflota almennings undanfarin ár með veitingu hagrænna hvata á borð við niðurfellingu virðisaukaskatts og innflutningstolla, bílastæðagjalds og fleira.
Sjá nánar í frétt mbl.is.
Bandaríski bílaframleiðandinn Ford ætlar að hella sér af krafti í rafbílasmíði næstu fimm árin og mun til þess verja 600 milljörðum íslenskra króna. Á tímabilinu stefnir Ford að því að þrefalda fjölda tvinn- og rafbílamódela sinna, sem í dag eru sex talsins.
Sjá nánar á mbl.is, Bloomberg og hér.
Norðursigling á Húsavík hefur verið tilnefnd til stærstu umhverfis- og viðskiptaverðlauna í Evrópu, GreenTec Awards, fyrir rafknúinn hvalaskoðunarbát sinn. Hægt er að taka þátt í netkosningu og styðja við fyrirtækið, sem tilnefnt er í flokki ferðamála (travel category). Sjá nánar í frétt mbl.is.
Kóreski bílaframleiðandinn Kia telur vetni vera orkubera framtíðar og áformar að selja vetnisbíla sína á almennum markaði frá árinu 2020. Þangað til mun Kia framleiða 1000 slíka bíla á ári til prófana og auka smíði rafbíla og þannig smám saman draga úr framleiðslu bifreiða sem ganga fyrir jarðefnaeldsneyti.
Sjá nánar í frétt mbl.is, Hybrid Cars og fréttatilkynningu Kia.
Norski pósturinn hefur nú fest kaup á 240 Renault Kangoo Maxi ZE rafbílum og verða þeir afhentir í vikunni í Osló. Er þetta liður í stefnu fyrirtækisins að minnka losun gróðurhúsalofttegunda um 40% fyrir árið 2020 miðað við losun þess árið 1990. Losun norska póstsins nemur um 1% af heildarkoltvísýringslosun konungsríkisins alls og hlýtur þessi aðgerð því að teljast mikilvægt skref í átt að takmarki norska póstsins.
Sjá nánar á mbl.is og hjá Renault.
