Snemmskráningu á HFC Nordic lýkur 15. september

Posted on by
Síðasti dagur snemmskráningar á HFC Nordic, Norrænu vetnisráðstefnuna er 15. september en eftir það hækkar þátttökugjald um 6000 krónur. Ert þú búin(n) að tryggja þér sæti?
Á dagskrá verða fyrirlestrar frá helstu vetnissérfræðingum Evrópu, sem vinna að orkuskiptum, hver á sinn hátt. Þeirra á meðal eru fulltrúar frá Element Energy, PowerCell, Scania, Solaris Bus og ThinkStep ásamt fjölda annarra.
Skráning fer fram á vefsíðu ráðstefnunnar hér.

Nordic Hydrogen and Fuel Cells Conference verður haldin í Reykjavík 9.-10 október 2018

Hádegisfyrirlestur 13. september um skattlagningu ökutækja og eldsneytis

Posted on by

Starfshópur sem unnið hefur að endurskoðun skattlagningar ökutækja og eldsneytis skilaðu nýverið skýrslu til fjármála- og efnahagsráðherra. Hópurinn var skipaður í febrúar 2016 og var falið að rannsaka núverandi fyrirkomulag og framkvæmd skattlagningar ökutækja og eldsneytis, leggja til breytingar á gildandi lögum og gera tillögu að framtíðarstefnu stjórnvalda í þessum efnum. Skýrsla starfshópsins var gerð opinber 20. ágúst síðastliðinn og hana má finna hér.

Benedikt S. Benediktsson, formaður starfshópsins, mun á hádegisfyrirlestri Grænu orkunnar og Orkustofnunar 13. september gera grein fyrir megintillögum starfshópsins.

Fyrirlesturinn fer fram í Orkugarði, Grensásvegi 9 en þangað ganga strætisvagnar númer 2, 3, 6, 14, 15, og 17 og yfirbyggð hjólageymsla er á bakvið húsalengjuna. Húsið opnar klukkan 11:30 með léttum veitingum en erindi Benedikts mun hefjast klukkan 12:00 og stendur yfir í um hálftíma. Að því loknu mun gestum gefast tækifæri til að bera upp spurningar. Gert er ráð fyrir að formlegri dagskrá ljúki klukkan 13:00.

Fundarstjóri verður Auður Nanna Baldvinsdóttir, stjórnarformaður Grænu orkunnar. Allir eru velkomnir og aðgangur er ókeypis.

automotive fuel pump reading at 242 pesos

Síðustu forvöð skráningar með afslætti á HFC Nordic

Posted on by

Nú eru síðustu forvöð að skrá sig með svokölluðum early bird afslætti á Norrænu vetnisráðstefnuna HFC Nordic sem haldin verður á Grand Hótel Reykjavík dagana 9.-10. október næstkomandi. Skráningargjald hækkar eftir 15. september úr 18.000 í 24.000 krónur.

Dagskráin hefst á heimsókn í Hellisheiðarvirkjun þar sem skoðaður verður rafgreinir Orku náttúrunnar en hann framleiðir vetni fyrir vetnisstöðvar Orkunnar sem opnaðar voru í júní síðastliðnum. Ráðstefnan sjálf er frá hádegi til hádegis og býður meðal annars upp á fyrirlestra fulltrúa Hyundai, Nel Hydrogen, PowerCell, Scania, Thinkstep og Toyota svo fáeinir séu nefndir. 6.000 króna afsláttur af ráðstefnugjöldum er í boði fyrir þá sem ganga frá skráningu fyrir 15. september. Skráning fer fram á vefsíðu ráðstefnunnar hér. Upplýsingar veitir Anna Margrét Kornelíusdóttir í tölvupósti í netfangið amk@newenergy.is og í síma 863-6506.

Nordic Hydrogen and Fuel Cells Conference verður haldin í Reykjavík 9.-10 október 2018

Alþjóðlegt meistaramót rafbíla haldið í september

Posted on by

Akstursíþróttasamband Íslands (AKÍS) gekk í vor frá samningum við Alþjóða aksturssambandið (FIA) þess efnis að ein umferð í alþjóðlegu meistaramóti rafbíla FIA í nákvæmnisakstri, oft kallað eRally (FIA Electric and New Energy Championship), verði haldið á Íslandi 21.-22. september næstkomandi og nú fer að líða að keppni! Samhliða keppninni stendur til að halda ráðstefnu um hvert stefnir í orkuskiptum í samgöngum hérlendis, hver eru hagræn áhrif þeirra skipta á breiðum grunni, hver eru umhverfisáhrifin bæði jákvæð og neikvæð.

Sjá nánar á síðu AKÍS og Erally.

CRI hlaut umhverfisverðlaunin Energy Globe Awards

Posted on by

Íslenska hátæknifyrirtækið Carbon Recycling International (CRI) hlaut nýverið verðlaunin Energy Globe Awards fyrir nýsköpun í þágu loftlagsverndar. Verðlaunin eru veitt fyrirtækjum og einstaklingum sem skarað hafa fram úr í umhverfismálum. CRI hlaut verðlaunin fyrir ETL tæknilausn sína sem talin er gagnast við að sporna við loftslagsbreytingum af mannavöldum, minnka losun koltvísýrings frá margskonar iðnaði og stuðla að orkuskiptum í samgöngum.

Sjá nánar í fréttablaðinu.

Óskað eftir tilnefningum til tvennra umhverfisverðlauna

Posted on by

Umhverfis- og auðlindaráðuneytið auglýsir eftir tilnefningum til tvennra verðlauna sem afhent verða á Degi íslenskrar náttúru. Annars vegar er um að ræða Fjölmiðlaverðlaun umhverfis- og auðlindaráðuneytisins og hins vegar Náttúruverndarviðurkenningu Sigríðar í Brattholti. Tilnefningarfrestur er til 24. ágúst næstkomandi.

Sjá nánar á vef Stjórnarráðsins.

Vetnisbíll ekur 536 á einum tanki

Posted on by

Líkt og kunnugt er voru í byrjun sumars opnaðar tvær vetnisstöðvar á vegum Orkunnar, ein í Reykjavík og önnur í Reykjanesbæ. Á sama tíma voru vígðir 10 nýir vetnisbílar sem aka nú um götur landsins.

Keilir var eitt þeirra fyrirtækja sem tryggði sér vetnisbíl af gerðinni Hyundai ix35. Nýverið ákváðu þeir Hjálmar Árnason, framkvæmdastjóri Keilis og Helgi Dan Steinsson, umsjónarmaður fasteigna hjá Keili, að kanna hversu langt þeir kæmust á vetnistanki. Óku þeir eftirfarandi leið án viðkomu til að fylla á vetnistankinn: Ásbrú – Ártúnshöfði – Vík í Mýrdal (um Þrengsli) – Ásbrú (um Hellisheiði og Reykjavík). Þetta voru alls 536 km á einum tanki – geri aðrir betur!

Ökumaðurinn, Helgi Dan Steinsson t.v. og aðstoðarmaður t.h., Hjálmar Árnason

Vetn­is­stöð sett upp við Hell­is­heiðar­virkj­un

Posted on by

Á næstu vikum mun Orka náttúrunnar hefja tilraunaframleiðslu á vetni við Hellisheiðarvirkjun. Upp­setn­ing rafgreinis til vetnisframleiðslu er liður í evr­ópska verk­efninu Hydrogen Mobility Europe sem Orka nátt­úr­unn­ar tek­ur þátt í með tveim­ur öðrum ís­lensk­um fyr­ir­tækj­um; Ork­unni og Íslenskri NýOrku. Ork­an opnaði tvær af­greiðslu­stöðvar fyr­ir vetn­is­bif­reiðar í júní síðastliðnum en þaðan verður selt inn­flutt vetni þar til hægt verður að af­greiða vetni framleitt á Hellisheiði á bíla í október mánuði.

Sjá nánar í frétt mbl.is.