Það verður æ algengara að hafnir víða um heim veiti þeim skipum afslátt sem leggja sig fram við að draga úr losun gróðurhúsalofttegunda og mengunarefna og er þá gjarnan miðað við einkunn skipsins samkvæmt ESI stuðlinum (Environmental Ship Index). Í þessari frétt frá GreenPort segir frá áformum Tallinn hafnar í Eistlandi, sem hyggst veita viðskiptavinum allt að 8% afslátt af lestargjöldum sem hafa hlotið ESI stuðul yfir 80.
Mynd eftir Julie North á Unsplash
Næsta útgáfa Opel Corsa bifreiðarinnar verður rafdrifin en Michael Lohscheller, framkvæmdastjóri Opel/Vauxhall, staðhæfir að allar týpur Vauxhall og Opel mun að einhverju leyti verða rafdrifnar – hvort sem er tvinnbílar eða hreinir rafbílar – árið 2024. Ráðgert er að rafmagns útgáfa Opel Corsa komi á markað 2019 eða 2020.
Sjá nánar í umfjöllum mbl.is og CarBuyer.
Viðburður Grænu orkunnar og Orkustofnunar hefur hlotið viðurkenningu fyrir að vera viðburður í jafnvægi en um er að ræða viðurkenningu stjórnar Kvenna í orkumálum. Viðburðurinn sem hlýtur viðurkenninguna verður haldinn næstkomandi fimmtudag 22. nóvember í Orkugarði, Grensásvegi 9 kl. 11.30-13.00 og ber yfirskriftina Orkuskipti: þáttur fluggeirans og framtíðarhorfur.
Stjórn félagsins Konur í orkumálum hrinti nú í haust af stað verkefninu „Viðburður í jafnvægi“. Félagið hefur skoðað skiptingu kynja meðal fyrirlesara og fundarstjóra á viðburði GO og OS 22. nóvember og gleðst yfir því að kynjajafnrétti sé í hávegum haft. Félagið vill því lýsa því yfir að þessi viðburður flokkast sem „Viðburður í jafnvægi“ og hlýtur þar með Jafnréttisstimpil Kvenna í orkumálum.
Á vef félagsins Konur í orkumálum er hægt að lesa nánar um jafnréttisstimpilinn.
Nú er komið að 6. viðburði í fyrirlestraröð Orkustofnunar og Grænu orkunnar um orkuskipti!
Fyrirkomulagið verður með þeim hætti að húsið opnar klukkan 11:30 með léttum veitingum en formleg dagskrá er 12:00-13:00. Efni fundarins að þessu sinni og yfirskrift er Orkuskipti: þáttur fluggeirans og framtíðarhorfur. Þrír sérfræðingar munu halda stutt erindi:
Valur Klemensson, Isavia
Anna Margrét Björnsdóttir Samgöngustofa
Þórður Þorsteinsson Verkís
Fundarstjóri verður Auður Nanna Baldvinsdóttir, stjórnarformaður Grænu orkunnar.
Fyrirlestrarnir fara fram í Orkugarði, Grensásvegi 9 en þangað ganga strætisvagnar númer 2, 3, 6, 14, 15, og 17 og yfirbyggð hjólageymsla er á bakvið húsalengjuna, við hliðina á Frumherja. Viðburðurinn er öllum opinn og aðgangur ókeypis.
Sjá hér viðburð á Facebook. Þar má einnig horfa á upptöku frá fundinum.
Í þessari frétt á mbl.is var fjallað um fundinn og rætt við fyrirlesara að honum loknum um orkuskipti í flugsamgöngum.
Ísland er það ríki innan ESB og EFTA svæðisins sem var með mesta losun koltvísýrings (14 tonn CO2) frá hagkerfi á einstakling árið 2016. Losun hefur aukist vegna aukins flugreksturs og skipaflutninga frá árinu 2012. Þetta kemur fram í frétt á vef Hagstofunnar. Á Íslandi er losunin að stærstum hluta frá flugi og framleiðslu málma, en losun frá málmframleiðslu kemur til vegna bruna kola í rafskautum. Koltvísýringslosun frá hagkerfinu á einstakling hafi því farið vaxandi frá árinu 2016.
Háskóli Íslands og Háskólinn í Reykjavík hafa undanfarið ár unnið að verkefni um greiningu á þjóðhagslegri hagkvæmni rafbílavæðingar og hafa smíðað líkan sem metur áhrif af beitingu mismunandi hagrænna hvata stjórnvalda, s.s. ívilnunum, sköttum og gjöldum.
Niðurstöður greiningarinnar verða kynntar á opnum fundi í Norræna húsinu fimmtudaginn 1. nóvember kl. 9 – 10.30. Niðurstöðurnar eru mikilvægt innlegg til að meta næstu skref í orkuskiptum í samgöngum.
Fundurinn er ókeypis og öllum opinn. Skráning til þátttöku fer fram á vef Samorku.
Græna orkan vill vekja athygli á Zero Emission Bus Conference, ráðstefnu um hreinorkustrætisvagna, sem haldin verður í Köln í Þýskalandi dagana 27.-28. nóvember næstkomandi. Þar verður boðið upp á gríðarlega metnaðarfulla og áhugaverða dagskrá sem undirstrikar vegferð okkar í átt að kolefnishlutleysi. Enn er opið fyrir skráningu!
Græna orkan vill vekja athygli á tveimur ráðstefnum um vistvæna orku sem fara fram í næstu viku, hvor á eftir annarri, dagana 9.-11. október, á Grand Hótel Reykjavík.
Nordic Hydrogen and Fuel Cell Conference
https://www.altenergy.info/#welcome-hfcnordic
fjallar um notkun vetnis í samgöngum 9.-10. október.
Making Marine Applications Greener, ráðstefna um notkun vistvænna orkugjafa í haftengdri starfsemi, tekur svo við frá hádegi til hádegis 10.-11. október.
https://www.altenergy.info/#welcome-mmag
Sjá nánar um ráðstefnurnar á vefsíðu.
Nel ASA opnaði í liðinni viku framleiðslumiðstöð fyrir vetnisstöðvar í Herning í Danmörku. Markar þetta þáttaskil í rekstri fyrirtækisins, og e.t.v. í vetnissögunni, en framleiðslugeta verksmiðjunnar er áætluð um 300 fullbúnar vetnisstöðvar á ári.
Sjá nánar í fréttatilkynningu frá fyrirtækinu.
Við hjá Grænu orkunni viljum vekja athygli á eftirfarandi viðburðum sem tengjast orkuskiptum og eru á döfinni næstu daga:
Fagfundur: Rafbílavæðingin – erum við tilbúin? Fagfundur á vegum AKÍS, Orku náttúrunnar og ERally Iceland 9-11 fimmtudaginn 20. september að Engjavegi 9.
Sjálfbærar fjárfestingar. Hver er ávinningurinn? Morgunverðarfundur SFF og Mannvits á Grand Hótel um sjálfbærar fjárfestingar 8:30-10 fimmtudaginn 20. september.
Hverjar eru áskoranir Íslands í orkumálum? Kynningarfundur Samorku og Orkustofnunar 8:30-10 föstudaginn 21. september í Húsi atvinnulífsins.
Hjólum til framtíðar 2018 – Veljum fjölbreytta ferðamáta. Ráðstefna í Félagsheimili Seltjarnarness 10-16 föstudaginn 21. september.