Category Archives: Samgöngur

Snemmskráning á TRA2020 opin til 13. febrúar!

Posted on by

Gildistími snemmskráningar á Transport Reseach Arena (TRA2020), stærstu samgönguráðstefnu Evrópu, hefur nú verið framlengdur til 13. febrúar. Ráðstefnan fer fram í Helsinki, dagana 27.-30. apríl næstkomandi og er yfirskrift hennar í ár Rethinking transport – towards clean and inclusive mobility. Á TRA koma saman helstu samgöngusérfræðingar heims og rædd ýmsir vinklar samgangna: öryggismál, loftslagsbreytingar, hlutverk borgara og síðast en ekki síst, nýjasta tækni.Lady with mobile phone

Sjá hér dagskrá og frekari upplýsingar um TRA2020.

Mengunarlaus gata í London

Posted on by

Næsta vor mun Lundúnaborg hrinda af stað 18 mánaða tilraunaverkefni sem snýst um að loka einni götu, Beech Street, fyrir umferð allra bíla nema hreinorkubíla (e. zero emission). Einnig verður leyfð hefðbundin umferð gangandi og hjólandi vegfarenda. Tilgangurinn er sá að draga úr mengun í borginni og verða áhrif á loftgæði og umferð mæld á meðan á verkefninu stendur.

Sjá nánar í grein Climate Action.

Úthlutun Orkusjóðs vegna hleðslustöðva við gististaði

Posted on by

Nýverið úthlutaði Orkusjóður styrkjum til uppsetningar hleðslustöðva við hótel og gististaði víða um land, þar sem hægt verður að hlaða ríflega 110 rafbíla á hverjum tíma. Verkefnið er hluti af aðgerðaáætlun stjórnvalda í loftslagsmálum og uppbyggingu innviða vegna orkuskipta í samgöngum. Staðsetningar hleðslustöðvanna eru merktar með grænu á meðfylgjandi korti en nánar má lesa um úthlutunina á vefsíðu Orkustofnunar.

Opinn samráðsfundur Grænu orkunnar 30. október

Posted on by

Snemma í haust fól samstarfshópur ráðuneyta Grænu orkunni, Samstarfsvettvangi um orkuskipti, að móta tillögur að forgangsröðun verkefna er varða orkuskipti og útfærslu fjármagns fyrir árið 2020.

Græna orkan hefur undanfarnar vikur fundað með haghöfum með það fyrir augum að draga fram hvar mest er þörf á innviða uppbyggingu sem greitt getur fyrir orkuskiptum í samgöngum og samdrætti í losun gróðurhúsalofttegunda.

Tillögurnar lúta að innviðalausnum er varða fólksbíla, hópbifreiðar, landflutninga og vinnuvélar og loks hafnir og haftengda starfsemi og verða kynntar í þessari röð á fundinum.

Áður en tillögum er skilað til starfshóps ráðuneyta, vill Græna orkan gefa almenningi og öllum þeim sem áhuga hafa á orkuskiptum tækifæri til að kynna sér efni þeirra á opnum fundi, veita umsögn og endurgjöf. Dagskráin verður eftirfarandi:

09:00 Kynning verkefnis
09:10 Kynning á starfi samstarfshóps ráðuneyta
09:15 Drög að tillögum fólksbílahóps kynnt
09:45 Drög að tillögum hópbifreiðahóps kynnt
10:15 Kaffihlé
10:30 Drög að tillögum hóps um landflutninga og vélar kynnt
11:00 Drög að tillögum um hafnir og skip kynnt
11:30 Almennar umræður og samantekt
12:00 Fundarslit

Samráðsfundurinn 30. október næstkomandi er öllum opinn og aðgangur ókeypis.

Upptaka frá metan viðburði 23. október

Posted on by

Viðburður Grænu orkunnar, Grænni byggðar og Orkustofnunar sem bar yfirskriftina Hvað á að gera við metanið? fór fram í Orkugarði í dag, 23. október. Um 60 gestir tóku þátt og hlýddu á fyrirlestrana fimm. Við viljum koma á framfæri þökkum til fyrirlesara fyrir áhugaverð erindi og fundarstjóra fyrir dygga tímastjórnun og spurningar. Fyrirlesarar voru:

Björn Halldórsson framkvæmdastjóri Sorpu
María Jóna Magnúsdóttir, framkvæmdastjóri Bílgreinasambandsins
Stefán Þór Kristinsson, efnaverkfræðingur hjá EFLU verkfræðistofu
Auður Nanna Baldvinsdóttir, viðskiptaþróunarstjóri hjá Landsvirkjun og stjórnarformaður Grænu orkunnar
Guðmundur B. Friðriksson, skrifstofustjóri Skrifstofu umhverfisgæða hjá Reykjavíkurborg

Fundarstjóri var Þórhildur Fjóla Kristjánsdóttir, framkvæmdastjóri Grænni byggðar.

Hér fyrir neðan má nálgast upptöku frá viðburðinum.

 

Viðburður 23. október: Hvað á að gera við metanið?

Posted on by

Græna orkan, Grænni Byggð og Orkustofnun standa fyrir hádegisviðburði sem ber yfirskriftina “Hvað á að gera við metanið?” miðvikudaginn 23. október.

Ræddar verða leiðir til að auka nýtingu metans hér á landi, og hlutverk þess í orkuskiptum, ekki síst í ljósi fyrirhugaðrar aukningar í framleiðslu þess með tilkomu gas- og jarðgerðarstöðvar Sorpu.

Fyrirkomulagið með örlítið öðrum hætti en verið hefur. Húsið opnar klukkan 11:30 með léttum veitingum en formleg dagskrá er 12:00-13:30.

Dagskráin mun verða eftirfarandi:
Björn Halldórsson framkvæmdastjóri Sorpu
María Jóna Magnúsdóttir, framkvæmdastjóri Bílgreinasambandsins
Hafsteinn Helgason, sviðsstjóri Þróunar hjá EFLU verkfræðistofu
Guðmundur B. Friðriksson, skrifstofustjóri Skrifstofu umhverfisgæða hjá Reykjavíkurborg

Fundarstjóri verður Þórhildur Fjóla Kristjánsdóttir, framkvæmdastjóri Grænni byggðar.

Fyrirlestrarnir fara fram í Orkugarði, Grensásvegi 9 en þangað ganga strætisvagnar númer 2, 3, 6, 14, 15, og 17 og yfirbyggð hjólageymsla er á bakvið húsalengjuna, við hliðina á Frumherja.
Viðburðurinn er öllum opinn og aðgangur ókeypis.

Samantekt UST um stefnur, aðgerðir og framreiknaða losun Íslands til 2035

Posted on by

Skýrsla sem tók saman stefnur og aðgerðir stjórnvalda í loftslagsmálum ásamt framreiknaðri losun til 2035 og unnin var af sérfræðingum Umhverfisstofnunar (UST) var skilað til Evrópusambandins í mars á þessu ári. Nokkru seinna var unninn útdráttur á íslensku og skýrslan birt almenningi á vef UST. Hér má nálgast hvort tveggja undir fyrirsögninni Skýrsla um stefnur og aðgerðir og framreiknaða losun Íslands.

Mynd úr skýrslu Umhverfisstofnunar um stefnur og aðgerðir og framreiknaða losun Íslands (maí 2019)

Græna orkan hvetur alla til að kynna sér hvort tveggja enda um mikilvægt málefni að ræða. Samkvæmt fyrstu útgáfu aðgerðaáætlunar í loftslagsmálum 2018-2030, er líklegt að Ísland þurfi að draga úr losun gróðurhúsalofttegunda um eina milljón tonna CO2 eininga til átrsins 2030. Það er því áríðandi að samfélagið allt þurfi að leggja sitt á vogarskálarnar og frumkvæði fyrirtækja, sveitarstjórna, félagasamtaka skiptir þar miklu.

Kolefnisspor rafbíla 4-4,5x minna en fyrir bíla sem nota jarðefnaeldsneyti

Posted on by
Á grafinu sést hvernig fótspor bensín- og díselbíla fer stigvaxandi ...
Í morgun kynnti Orka náttúrunnar niðurstöður innlendrar rannsóknar á kolefnisspori rafbíla við íslenskar aðstæður. Meðal helstu atriða skýrslunnar er að heildarlosun rafbíls, frá framleiðslu að 220 þúsund km akstri við íslenskar aðstæður, er 4-4,5 sinnum minni en heildarlosun bíla sem nota jarðefnaeldsneyti.
Græna orkan fagnar þessu framtaki – skýrslan er mikilvægt innlegg inn í umræðu um orkuskipti og skuldbindingar Íslands í loftslagsmálum!
Sjá nánar um skýrsluna á vefsíðu ON og í umfjöllun á mbl.is.

Transport Research Arena 2020

Posted on by

Transport Research Arena 2020 (eða TRA2020) er stærsta tækniráðstefna Evrópu um samgöngur. Á næsta ári verður hún haldin í Helsinki undir yfirskriftinni “Transport and mobility (r)evolution for smart, green and integrated society”.

Kallað hefur verið eftir erindum og skilafrestur ágripa er 31. maí næstkomandi. Sjá nánar á vefsíðu ráðstefnunnar og hér fyrir neðan á ensku.

Now is the time to submit your work to the TRA2020 in Helsinki!

Transport Research Arena (TRA) is the foremost European transport event that covers all transport modes and all aspects of mobility. The next edition of this biennial event will be held in Helsinki on the 27-30 of April in 2020. Under the conference theme “Rethinking transport – towards clean and inclusive mobility” TRA2020 will focus on rethinking how with means of research and innovation, we can offer solutions what citizens are calling for.

TRA offers a great venue for researchers, policy makers and industry representatives to get together and contribute to the discussion on how research and innovation can  and how it should re-shape the mobility system. The conference provides a unique opportunity to hear about mobility trends in different parts of Europe, learn from achievements in industry as well as share best practices of policies and deployments.

Call for Submission deadline extended until May 31

Based on a number of extension requests, the deadline for both journal and conference track papers are extended until May 31. The scientific and technical sessions will comprise of research papers, the best of which will be published in peer-reviewed journals. All accepted papers will be included in the conference proceedings.

You are welcome to submit a short conference paper or a full-length journal paper. A short conference paper consists of 2 – 4 pages, and as approved, entitles you to a reduced admission fee at the TRA2020. Please see our web page for the Call for submissions for full information and submit your work through the online submission system Ex Ordo.